अखिल नेपाल ट्रेड युनियन महासंघ युवा कमिटीको अध्यक्षमा मुकुन्द पन्त

काठमाडौं । अखिल नेपाल ट्रेड युनियन महासंघ युवा कमिटीको अध्यक्षमा मुकुन्द पन्त चयन भएका छन् । तेस्रो राष्ट्रिय सम्मेलनबाट उनी अध्यक्षमा सर्वसम्मत चयन भएका हुन् ।

माओवादी केन्द्रका संगठन विभाग प्रमुख तथा उपमहासचिव जनार्दन शर्मा र ट्रेड युनियन महासंघका अध्यक्ष जगत सिंखडालगायतका नेताहरूको उपस्थितिमा भएको सम्मेलनले पन्तको नेतृत्वमा १३ जना पदाधिकारीसहित ५१ जनाको कार्यसमिति चयन गरेको हो ।

उपाध्यक्षहरुमा सुस्मिता कट्टेल, राजु ओझा, सनत उप्रेती, नारायण कुइँकेल र सन्तोष ढकाल छन् । एकजाना महिला उपाध्यक्ष भने पछि थपिने बताइएको छ ।

यस्तै सचिवमा अरुण पन्तसहित तीन जना र कोषाध्यक्षमा भोला थापामगर रहेका छन् ।