संसद विघटनबारे वामदेवको प्रतिक्रियाः न समर्थन, न विरोध

काठमाडौं । नेकपा उपाध्यक्ष वामदेव गौतमले प्रधानमन्त्रीले संसद विघटनको सिफारिश गरेकोमा आफ्नो समर्थन वा विरोध केही पनि नरहेको बताएका छन् । नेपाल प्रेससँग कुरा गर्दै गौतमले भने– संसद विघटनको सिफारिशप्रति मेरो समर्थन र विरोध केही छैन । म अहिले पर्ख र हेरको अवस्थामा छु ।

उपाध्यक्ष गौतम पछिल्लो समय दुवै अध्यक्षका आरोपपत्र फिर्ता गराउन सक्रिय थिए । प्रचण्ड–नेपाल समूहले संसद विघटनको विरोध गरिरहेका बेला उपाध्यक्ष गौतम तटस्थ बस्नुलाई अर्थपूर्ण ढंगमा हेरिएको छ ।