थ्री नेसन्स कप : फाइनल पुग्न भुटानसँग प्रतिस्पर्धा गर्दै नेपाल
नेपाल प्रेस
२०७९ चैत १४ गते ७:२५
काठमाडौं । प्रधानमन्त्री थ्री नेसन्स कपको दोस्रो खेलमा नेपालले आज भुटानसँग प्रतिस्पर्धा गर्दैछ ।
त्रिपुरेश्वरस्थित दशरथ रंगशालामा हुने खेल साँझ ६ बजे सुरु हुनेछ ।
पहिलो खेलमा लाओसलाई २-० गोलको नतिजामा हराउँदै शानदार सुरुआत गरेको नेपालले नेपाल आज भुटानलाई हराए फाइनल पुग्नेछ । र, फाइनलमा लाओससँग भिड्नेछ ।
तीन राष्ट्र सहभागिता प्रतियोगितामा नेपाललाई फाइनल पुग्न आजको खेलमा बराबरीको नतिजा पर्याप्त हुनेछ ।
पहिलो खेल भुटानलाई लाओसले २-१ ले हराएको थियो ।
नेपालले र भुटान हलसम्म १२ पटक आमने सामने भएका छन् । जहाँ नेपाल अपराजित छ ।
सिंगल राउण्ड रोबिनको आधारमा हुने प्रतियोगिता शीर्ष दुई टीमले उपाधिका लागि चैत १७ गते खेल्ने छन् ।
प्रतियोगिताको विजेताले ५ हजार अमेरिकी डलर, दोस्रोले ३ हजार डलर पाउने छन् । प्रतियोगिताको उत्कृष्ट खेलाडीले ५ सय अमेरिकी डलर पाउने छन् ।
नेपाल प्रेस
प्रकाशित: २०७९ चैत १४ गते ७:२५
प्रतिक्रिया
सम्बन्धित खवर
