पदाधिकारी बैठकपछि माओवादीले भन्यो- सरकारले भोलि पूर्णता पाउँछ
नेपाल प्रेस
२०७९ चैत २२ गते १७:४७
फाइल तस्बिर ।
काठमाडौं । नेकपा माओवादी केन्द्रले भोलिसम्ममा सरकारले पूर्णता पाउने बताएको छ ।
पार्टी कार्यालयमा पेरिसडाँडामा बसेको पदाधिकारी बैठकपछि प्रवक्ता कृष्णबहादुर महराले भोलिसम्ममा सरकारले पूर्णता पाउने बताएका हुन् ।
दल दलीय गठबन्धनबाट प्रधानमन्त्री बनेको पुष्पकमल दाहाल प्रचण्डले गत शुक्रबार मन्त्रीपरिषद् विस्तार गरेका थिए । तर, कांग्रेस र जसपाले आन्तरिक विवादको कारणले सबै मन्त्रीको नाम नदिँद सरकारले पूर्णता पाउन सकेको थिएन ।
अहिले पार्टीबाट सरकारमा जाने चार मन्त्री छान्न कांग्रेस सभापति शेरबहादुर देउवा पनि लागिरहेका छन् । इतर समूहले ३ मन्त्रीको अडान नछाडेपछि देउवाले पार्टीबाट सबै मन्त्रीको नाम पठाउन सकेका थिएनन् ।
त्यसो त आजै बिहानपनि प्रधानमन्त्री प्रचण्डले एकदुई दिनमै सरकारले पूर्णता पाउने बताएका थिए ।
नेपाल प्रेस
प्रकाशित: २०७९ चैत २२ गते १७:४७
प्रतिक्रिया
सम्बन्धित खवर
