बढुवा भएका चारजनाले लगाए एआईजीको फुली

काठमाडौं । नेपाल प्रहरीका चारजना प्रहरी अतिरिक्त महानिरीक्षक (एआईजी) को फुली लगाएका छन् ।

बढुवा भएका उनीहरूलाई आईजीपी वसन्तबहादुर कुँवरले प्रहरी प्रधान कार्यालयमा आयोजित एक समारोहबीच दर्ज्यानी चिन्ह प्रदान गरे ।

मन्त्रिपरिषद् बैठकले शुक्रबार सन्दीप भण्डारी, सुदीप गिरी, मीरा चौधरी र टेकबहादुर तामाङलाई डीआईजीबाट एआईजीमा बढुवा गर्ने निर्णय गरेको थियो ।

कार्यक्रममा महानिरीक्षक कुँवरले प्रहरी अधिकृतहरूले पदोन्नतिलाई गम्भीर जिम्मेवारी बोध गर्ने अवसरको रूपमा लिने विश्वास जनाए ।