फ्रान्सको हिमपहिरोमा परी ५ जनाको मृत्यु

काठमाडौं । फ्रान्समा आइतबार गएको हिमपहिरोमा परी पाँच जनाको मृत्यु भएको छ ।

दक्षिण पूर्वी फ्रान्सको मोन्ट ब्लाङ्क नजिकै गएको हिमपहिरोमा परी ५ जनाको मृत्यु भएको फ्रान्सेली समाचार संस्थाहरूले जनाएका छन् ।

फ्रान्सका गृहमन्त्री गेराल्ड डार्मानिन ट्विटरमा लेखेकासमेत छन्, ‘हिम पहिरो गएको सूचना पाउँदासाथ विपद् व्यवस्थापन टोलीहरू घटनास्थलमा पठाइएको छ । उनीहरूले अझै काम गरिरहेका छन् ।’

हिम पहिरो गएको स्थानमा उद्धार कार्य जारी राखिएको तर घटनास्थलबाट कसैलाई जीवित उद्धार गर्न सक्ने आशा क्षीण बन्दै गएको जनाइएको छ ।

समाचार अनुसार हिम पहिरो गएको उक्त स्थानमा एक दर्जन भन्दा बढी व्यक्ति रहेका थिए ।