हङकङसँग हार्‍यो यूएई

काठमाडौं । अन्से रथको शतक प्रेरित जारी एसीसी प्रिमियर कपको समूह बी अन्तर्गतको खेलमा हङकङले यूएईलाई डीएल पद्धतिमा ६७ रनको जीत निकालेको छ ।

मूलपानी क्रिकेट मैदानमा हङकङले प्रस्तुत गरेको २६४ रनको लक्ष्य पछ्याएको यूएईले वर्षाले खेल प्रभावित हुँदा २७ ओभरमा जीतका लागि १८५ रनको नयाँ लक्ष्य पाएको थियो ।

तर, यूएईले निर्धारित २७ ओभरमा मात्र ११७ रन जोड्यो । यूएईका आयान लर्काले ७१ बलमा ६ चौका र २ छक्काको मद्दतमा ५२ रन जोडे ।

हङकङका इसान खानले २ तथा अजाज खान, मोहम्मद गहाजाफर र आयुष शुक्लाले समान एकएक विकेट लिए ।

यसअघि टस हारेर ब्याटिङमा आएको हङकङले निर्धारित ५० ओभरमा ८ विकेट गुमाउँदै २६३ रनको योगफल खडा गरेको थियो ।

हङकङका रथले ११७ बलमा ११ चौकाको मद्दतमा १०६ रन जोडे । किन्चित शाहले ३५ र अजाज खानले २७ रन जोडे ।

यूएईका आर्यअ अफजल खान एक्लैले १० ओभरमा सर्वाधिक पाँच विकेट लिए । अन्चित शर्माले दुई विकेट लिँदा जुनाइल सिद्धकीले एक विकेट लिए ।