ब्याटिङ खस्केको, बलिङ चम्केको दिन (तस्बिरहरु)

काठमाडौं । खराब ब्याटिङका बाबजुद नेपाल आज कतारविरुद्धको खेलमा जित हासिल गर्दै एसीसी प्रिमियर कपमा अपराजित रहन सफल भयो । ब्याट्सम्यानहरुले निराश बनाए पनि बलरहरुले उत्कृष्ट प्रदर्शन गर्दै नेपाललाई जित दिलाएका हुन् ।

मौसम त्यति राम्रो नभएको दिनमा ब्याटिङ कन्डिसन पनि चुनौतीपूर्ण थियो । नेपाली ब्याट्सम्यानहरुले कन्डिसनको मुकाबिला गर्न नसक्दा ब्याटिङ धराशयी बन्न पुगेको थियो । यदि सन्दीप लामिछानेले १० औं नम्बरमा आएर ४२ रन नबनाएको भए आज नेपालको खराब दिन हुन सक्थ्यो ।

बलिङमा पनि सन्दीपले नै सर्वोत्कृष्ट प्रदर्शन गरे । उनले ५ विकेट लिएपछि कतार जितसम्म पुगेन । सन्दीपले अन्तिम विकेट लिएसँगै त्रिवि मैदानमा खुशी छाएको थियो ।

हेर्नुस आजको म्याचमा केही तस्बिर :