करणले लिए तेस्रो विकेट, नेपाललाई चौथो सफलता

काठमाडौं । एसीसी प्रिमियर कप अन्तर्गत जारी सेमिफाइनल खेलमा कुवेतविरुद्ध नेपालले चौथो सफलता प्राप्त गरेको छ ।

कीर्तिपुरस्थित त्रिवि क्रिकेट मैदानमा करण केसीले व्यक्तिगत तेस्रो विकेट लिँदा नेपालले चौथो सफलता प्राप्त गरेको हो ।

आफ्नो स्पेलको तेस्रो ओभर बलिङमा आएका करणले ४.५ ओभरमा रभिजा सान्दु्रवानलाई दीपेन्द्रसिंह ऐरीबाट उत्कृष्ट क्याच आउट गर्दै नेपालले कुवेतको ब्याटिङ लाइनअप धरापमा पारेको छ ।

नेपाललाई पहिलो सफलता दिलाउने क्रममा करण केसीले ०.५ ओभरमा अद्कनन् इद्रिसलाई शून्यमा आउट गरेका थिए । प्रविन्दर कुमारलाई १.३ ओभरमा एलबी डब्लू आउट गर्दै सोमपालले नेपाललाई दोस्रो सफलता दिलाएका थिए ।

भने, तेस्रो सफलता नेपालले करण केसीले मित भावसरलाई ललित राजवंशीबाट क्याचआउट गर्दै लिएका थिए ।

यो समचार तयार पार्दा कुवेतले ६.३ ओभरमा २२ रन जोडेर ५ विकेट गुमाएको छ । र, पाँचौं विकेट पनि करणले लिएका छन् ।