बेलायती राजा र प्रधानमन्त्रीसँग परराष्ट्रमन्त्रीको भेट

काठमाडौं । परराष्ट्रमन्त्री नारायण प्रकाश साउदले बेलायतका राजा चार्ल्स तृतीय र रानी क्यामिलाको राज्यभिषेकमा सहभागी भएका छन् ।

बेस्टमिन्सटरमा  भएको रिसेप्सनमा सहभागी भएका मन्त्री साउदले हिजो साँझ बकिंघम दरबारमा भएको राज्यभिषेकमा पनि उपस्थित थिए ।

समारोहमा मन्त्री साउदले राजा चार्ल्स तृतीय र राजपरिवारका अन्य सदस्यसँग पनि भेट गरेका थिए ।

त्यस्तै, उनले बेलायती प्रधानमन्त्री ऋषि सुनकसँग पनि छोटो भेटवार्ता गरेका लण्डनस्थित नेपाली राजदूतावासले जानकारी दिएको छ ।