अन्तरपालिकास्तरीय भलिबलको उपाधि मेलम्ची नगरपालिकालाई

सिन्धुपाल्चोक । बुद्ध पूर्णिमाको अवसरमा लामोसाँघु युवा क्लबद्वारा आयोजित अन्तरपालिकास्तरीय भलिबल प्रतियोगिताको उपाधि मेलम्ची नगरपालिका ‘ख’ ले हात पारेको छ । लामोसाँघुमा आज भएको फाइनलमा मेलम्ची नगरपालिका ‘क’ लाई मेलम्ची नगरपालिका ‘ख’ ले हराउँदै उपाधि हात पारेको हो ।

खेलमा मेलम्ची नगरपालिका ‘ख’ टीमले ‘क’ लाई १५-२५, २५-१६, २०-२५ र २०-२५ को सेटमा हराउँदै उपाधिमा कब्जा जमाएको हो ।

सिन्धुपाल्चोकका स्थानीय तहका १० टीमको सहभागिता रहेको प्रतियोगितामा हेलम्बु गाउँपालिका तेस्रो भएको थियो । जुगल गाउँपालिकाले सान्त्वना स्थान हात पारेको थियो ।

उपाधिसँगै विजेता मेलम्ची नगरपालिका ‘ख’ ले नगद एक लाख हात पारेको छ । दोस्रो भएको मेलम्ची ‘क’ ले नगद ६० हजारसहित ट्रफी हात पारेको छ । तेस्रो हुनेले ४० हजार र सान्त्वनाले १५ हजार नगद पुरस्कार जितेका छन् ।

प्रतियोगितामा मेलम्ची नगरपालिका ‘ख’ का रमेश खतिवडा उत्कृष्ट खेलाडी, इन्द्र कार्की उत्कृष्ट ब्लकर रमेलम्ची ‘क’ का रामचन्द्र सापकोटा उत्कृष्ट कोच घोषित भएका थिए ।

प्रतियोगितामा विजेता टीम र खेलाडीहरुलाई बाग्मती प्रदेशका पूर्वमन्त्री सरेश नेपाल, सुनकोशी गाउँपालिकाका अध्यक्ष टपिन्द्रप्रसाद तिमिल्सिना, एमाले सिन्धुपाल्चोकका अध्यक्ष कमल नेपाललगायतले पुरस्कार वितरण गरेका थिए ।

प्रतियोगिता आगामी दिनमा पनि निरन्तर हुने क्लबका अध्यक्ष चरिबहादुर तामाङले जानकारी दिए ।