अब भ्रष्टाचार नेपाली जनताले सहँदैनन्, सबै भ्रष्टाचारको अनुसन्धान हुनुपर्छ : रवि लामिछाने (तस्बिरहर/भिडिओ)
नेपाल प्रेस
२०८० वैशाख ३० गते १४:२०
काठमाडौं । नक्कली भुटानी शरणार्थी प्रकरणका दोषीलाई कारबाहीको माग गर्दै काठमाडौंको माइतीघरमा प्रदर्शन गरिएको छ ।
नागरिक समाजले शरणार्थी प्रकरणका कुनै दोषीलाई उन्मुक्ति दिन नहुने भन्दै प्रदर्शन गरेका हुन् ।
भ्रष्ट, नालायकहरू विरुद्ध सबै एकजुट हुने दिन आयो, पार्टी, संस्था, वादलाई आफैसित राखेर राष्ट्रका लागि उत्रने बेला आयो भन्दै उनीहरूले प्रदर्शन गरेका थिए ।
प्रदर्शनमा सहभागीहरूले कुनै पनि दबाबमा नक्कली भुटानी शरणार्थी प्रकरणका दोषीलाई मुक्त गर्न नहुने जनाएका छन् ।
प्रदर्शन सभा राष्ट्रिय स्वतन्त्र पार्टीका सभापति रवि लामिछाने पुगेर एकबद्धता जनाएका थिए ।
उनले भ्रष्टाचार अव नेपाली जनताले नसहने भन्दै यसअघिको सबै भ्रष्टाचारको अनुसन्धान हुनुपर्ने बताए ।
त्यस्तै प्रदर्शनमा सहभागीहरूले टोपबहादुर हो कि टापबहादुर, सचिव/मन्त्री सोचेको तस्कर र बिचौलिया परेछ, देशमा अर्थतन्त्र मन्द छ, नेताहरूको भ्रष्टाचार धन्दा छ लगायतका प्लेकार्ड प्रदर्शन गरेका थिए ।
तस्बिरहरू : गौरव पौडेल
नेपाल प्रेस
प्रकाशित: २०८० वैशाख ३० गते १४:२०
प्रतिक्रिया
सम्बन्धित खवर
