देउवा भेट्न जसपाका नेताहरू बूढानीलकण्ठमा
२०७७ फागुन २८ गते १७:०७
काठमाडौं । सम्भावित सत्ता समीकरणबारे जनता समाजवादी र नेपाली कांग्रेसका शीर्ष नेतृत्वबीच वार्ता शुरू भएको छ ।
वार्ताका लागि जनता समाजवादी पार्टीका नेता सभापति शेरबहादुर देउवाको बूढानीलकण्ठ निवास पुगेका छन् ।
देउवा भेट्न जसपा नेताहरू बाबुराम भट्टराई , उपेन्द्र यादव, राजेन्द्र महतो र महन्थ ठाकुर पुगेका छन् । बाबुराम र उपेन्द्र एउटै गाडी चढेर पुगेका थिए ।
जसपाले सत्ता सहकार्यका लागि सांसद रेशम चौधरीको रिहाइ, कार्यकर्तामाथिको राजनीतिक मुद्दा फिर्ता , संविधान संशोधनलगायतका एजेण्डालाई शर्त बनाएको छ ।
जसपाका नेताहरूले हिजोमात्रै प्रधानमन्त्री केपी शर्मा ओलीसँग वार्ता गरेका थिए । हिजो प्रधानमन्त्रीसँगको वार्तामा भने बाबुराम भट्टराई सहभागी थिएनन् ।
कांग्रेसले भने सम्भावित समीकरणबारे आफ्नो धारणा खुलाइसकेको छैन ।
प्रकाशित: २०७७ फागुन २८ गते १७:०७
प्रतिक्रिया
सम्बन्धित खवर
