नक्कली शरणार्थी प्रकरण : खाणसहित १२ जनालाई म्याद थपका लागि अदालत लगियो
नेपाल प्रेस
२०८० वैशाख ३१ गते १७:१३
काठमाडौं । नक्कली भुटानी शरणार्थी ठगी प्रकरणमा पक्राउ परेका पूर्वगृहमन्त्री बालकृष्ण खाणसहित सबै १२ जनालाई आइतबार म्याद थपका लागि काठमाडौं जिल्ला अदालत लगिएको छ ।
काठमाडौं जिल्ला सरकारी वकिल कार्यालयका प्रमुख अच्युतमणि न्यौपानेले अदालतसँग थप चार दिनको समय मागिएको बताए ।
‘हामीले शनिबारदेखि गणना हुनेगरी ४ दिनको समय मागेका छौं । अहिले अदालत लगिएको छ’, उनले भने ।
यो प्रकरणमा हालसम्म सचिव टेकनारायण पान्डे, तत्कालीन गृहमन्त्री रामबहादुर थापाका सुरक्षा सल्लाहकार ईन्द्रजीत राई, पूर्वमन्त्री टोपबहादुर रायमाझीका छोरा सन्दीपलगायत पक्राउ परेका छन् । टोपबहादुरविरुद्ध पनि पक्राउ पुर्जी जारी भइसकेको छ । तत्कालीन गृहमन्त्री बादलका छोरा प्रतीकविरुद्ध पनि पक्राउ पुर्जी जारी भएको छ ।
तस्बिरहरू : उमेश कार्की ।
नेपाल प्रेस
प्रकाशित: २०८० वैशाख ३१ गते १७:१३
प्रतिक्रिया
सम्बन्धित खवर
