सुदूरपश्चिममा माओवादीले टुंग्यायो मन्त्री, आजै शपथको तयारी
२०८० जेठ ५ गते ८:१८
कैलाली । सुदूरपश्चिम प्रदेशमा माओवादी केन्द्रले मन्त्रीको नाम टुंगो लगाएको छ ।
सामाजिक विकास र उद्योग पर्यटन वन तथा वातावरण मन्त्रीमा झपट साउद र रमेश धामीको नाम टुंगिएको माओवादी संसदीय दलका नेता खगराज भट्टले नेपाल प्रेसलाई बताए । उनका अनुसार गीता माललाई राज्यमन्त्री तयारी भइरहेको छ ।
धामी र साउदबीच समन्वय गरेर सामाजिक र पर्यटन मन्त्रालयमा पठाइने उनले जानकारी दिए । शपथ ग्रहण आजै गर्ने तयारी भइरहेको भट्टको भनाइ छ ।
माओवादी केन्द्रका अध्यक्ष एवं पुष्पकमल दाहाल ‘प्रचण्ड’ सँगको परामर्शपछि प्रदेशमा नाम टुंगो लगाइएको माओवादी स्रोतले बतायो ।
प्रकाशित: २०८० जेठ ५ गते ८:१८
प्रतिक्रिया
सम्बन्धित खवर
