९२ किलो गाँजासहित हेटौँडाबाट एक भारतीय सहित तीनजना पक्राउ

हेटौँडा । मकवानपुर प्रहरीले लागुऔषध गाँजासहित हेटौँडाबाट तीनजनालाई पक्राउ गरेको छ । पक्राउ पर्नेमा १ जना भारतीय सहित दुईजना नेपाली नागरिक रहेका छन् ।

विशेष सूचनाको आधारमा प्रहरी हेटौँडा १ चौकिटोलमा भारतीय नम्बर प्लेटको विआर ०१ विएन १५१८ नंबरको कारलाई नियन्त्राणमा लिएर जाँच गर्दा कारको पछाडिको सिटमा फल्स बटन बनाई लुकाई छिपाई ९२ किलो गाँजासहित ३ जनालाई पक्राउ गरेको हो ।

पक्राउ पर्नेमा जिप चालक भारत मोजफुर बस्ने २२ वर्षका अमितकुमार दुबे, पर्सा जिल्ला छिपरमाई गाउँपालिकाका ५० वर्षीय नैमुद्धिन मिया र मकवानपुर कैलाश गाउँपालिका वडा नंबर १० का ६० वर्षीय बुद्धिमान थोकर रहेको जिल्ला प्रहरी कार्यालय मकवानपुरले जनाएको छ ।