प्रधानमन्त्रीको भारत भ्रमण टोलीमा ६ मन्त्री र ९ सचिवसहित करिब १२० जनाकाे लावालस्कर
भारतले दिएको थियो ४७ जनाको कोटा, बाँकीको खर्च नेपालले नै व्यवस्थापन गर्नुपर्ने
नेपाल प्रेस
२०८० जेठ १६ गते २०:२५
काडमाडौं । प्रधानमन्त्री पुष्पकमल दाहाल प्रचण्ड भिमकाय टीम लिएर भोलि भारत भ्रमणमा जाँदैछन् । भ्रमणमा ६ जना मन्त्री, मुख्यसचिव र ८ जना सचिवसहित झण्डै १२० जनाको लावालस्कर रहने भएको छ ।
स्रोतका अनुसार भारतले प्रधानमन्त्रीको भ्रमण टोलीका लागि ४७ जनाको कोटा दिएको थियो । तर, भोलि प्रधानमन्त्रीसँग जानेहरुको ११५ भन्दा नाघ्ने स्रोतले बताएको छ । ४७ जनाभन्दा बढी पाहुनाको खर्च भारतले गर्दैन ।
भारत भ्रमणमा जानेमध्ये २५ जना ‘उच्चस्तरीय’ को नाम मन्त्रीपरिषदले स्वीकृत गरेको छ । उनीहरुमध्ये प्रधानमन्त्रीको सचिवालयका मात्रै १० जना रहेका छन् । प्रधानमन्त्री प्रचण्डसँग उनकी छोरी गंगा दाहाल, राजनीतिक सल्लाहकार हरिबोल गजुरेल, प्रेस सल्लाहकार गोविन्द आचार्य, स्वकीय सचिव रमेश मल्ल, निजी चिकित्सक युवराज शर्मा भारत जाने छन् । नेपाल प्रहरी, सशस्त्र प्रहरी बल, नेपाली सेना र राष्ट्रिय अनुसन्धान विभागका एकएक जना सुरक्षा गार्ड पनि प्रधानमन्त्रीको टीममा परेका छन् ।
हिजो मन्त्रिपरिषद्ले ५ जना मन्त्रीको भ्रमण स्वीकृत गरेको थियो । आज फेरि कृषिमन्त्री बेदुराम भुसाल थपिएको स्रोतले बतायो । भ्रमण टोलीमा समावेश मन्त्रीहरुमा परराष्ट्रमन्त्री एनपी साउद, अर्थमन्त्री डा. प्रकाशशरण महत, ऊर्जा, जलस्रोत तथा सिंचाइमन्त्री शक्तिबहादुर बस्नेत, उद्योग, वाणिज्य तथा आपूर्तिमन्त्री रमेश रिजाल, भौतिक पूर्वाधार तथा यातायातमन्त्री प्रकाश ज्वाला, कृषि तथा पशुपक्षी विकासमन्त्री डा.बेदुराम भुसाल रहेका छन् ।
मुख्यसचिव शंकरदास बैरागी टोलीमा रहने छन् । भ्रमण टोलीमा समावेश ८ सचिवहरुमा परराष्ट्र मन्त्रालयका सचिव भरतराज पौडेल, ऊर्जा, जलस्रोत तथा सिंचाइ मन्त्रालयका दिनेशकुमार घिमिरे, गृह मन्त्रालयका दिनेश भट्टराई, कानून, न्याय तथा संसदीय मामिला मन्त्रालयका धनराज ज्ञवाली, उद्योग, वाणिज्य तथा आपूर्ति मन्त्रालयका मधुकुमार मरासिनी, कृषि तथा पशुपक्षी विकास मन्त्रालयका गोविन्द शर्मा, भौतिक पूर्वाधार तथा यातायात मन्त्रालयका केशव शर्मा, वन तथा वातावरण मन्त्रालयका रेवतीरमण पौडेल रहेका छन् ।
परराष्ट्र मन्त्रालयले मन्त्रीपरिषदमा पठाएको प्रस्तावमा ४० जना प्रतिनिधिमण्डलका सदस्य छन् । यस्तै, सञ्चारकर्मी ४ जना, सुरक्षाकर्मी ४ जना र नेपाली दूतावासका ५ जना गरी परराष्ट्रले पठाएको सूचीमा ५३ जना रहेका छन् । परराष्ट्रले पठाएको सूचीमा मन्त्रीपरिषदले केही थपघट गरेको हुनसक्ने स्रोतले बतायो ।
स्रोतका अनुसार ५० जनाको आसपासमा व्यवसायी र १३ जना सञ्चारकर्मीहरु निजी खर्चमा जानेछन् । यी व्यवसायी र सञ्चारकर्मीहरुसहित भ्रमण टोली भिमकाय (झण्डै १२० सदस्यीय) बनेको छ ।
नेपाल प्रेस
प्रकाशित: २०८० जेठ १६ गते २०:२५
प्रतिक्रिया
9 thoughts on “प्रधानमन्त्रीको भारत भ्रमण टोलीमा ६ मन्त्री र ९ सचिवसहित करिब १२० जनाकाे लावालस्कर”
Leave a Reply
सम्बन्धित खवर
लाज नभएपछि जे गरे पनि भयो । सायद साधारण खर्च कटौतीको शुरूवात होला ।
हार्दिक बधाई तथा शुभकामना छ, यसाा थप्नु पर्नेमा बिपक्ष दलका नेता लगायत बैज्ञानिक, रेशम चाैधरी, मानव अधिकारकर्मी, भुटानी शरणनार्थी, सुकुम्बासी, एन आर एन लगायत थुप्रे छुटेकन छन्, बोलाओै !
के अव प्रचण्डको सरकार दिल्ली बाट नै सन्चालन हुने भो ? कि प्रधानमन्त्री, मंत्री, सचिब तथा सुरक्षा निकायका प्रमुखहरु आदि ? के हुने बाला छ दिल्ली मा? के नेपालको राजनीतिक मा केहि बदलाव हुने हो कि? जस्तै लाग्छ नी?
यतिखेर भारत भ्रमण गर्नु नेपालीको शिर गिराउनु हो ।
दश दलबाट १२० जनासामान्य कुरा हो । आफ्नो अभिभावकको निम्तोमा जति रमाइलो अरू काहाँ होला र ? जसले सरकार ढाल्न र बनाउन सिकाएको छ । आफ्नै पार्टीको नेतृत्वमा रहेको सरकार बिरूद्धमा अविस्वासको प्रस्ताव राख्न सिकायो । पार्टीमा विद्रोह गर्न हीम्मत दियो । नदीको दुइ किनारा झै रहेको दलबीच मिलन गराएर अहिले देशको शासनसत्ताको मस्ती प्राप्त जसले गराएको छ । उसको निम्तोमा जाँदा जावो १२० जना कम भएन र ?
यो हो नि तरिका , सारै सहनिय कार्य पिएम् ज्यु यस्तै हो भने कुनै दिन ३ करोड नेपाली सबै भारत भ्रमणमा जानेछन् लुम्बिनी, बिराटनगर त आईसके क्या रे होईन ?
आफ्नो खर्चमा जानको कुरा ? आफ्नै खर्च जाने भएपछि यहाँ जोड्न खोजिएको चाँही स्टन्टको लागी मात्रै हो ? शिर्षकले कति दिन बेच्नुुहुन्छ समचार ?
शीर्षकमा खर्चको कुरा लेखिएको छ र ? खाली टोली जम्बो भो भनेको देखिन्छ । किन मन पोलेको नि यसरी !
यतिखेर भारत भ्रमण गर्नु नेपालीको शिर गिराउनु हो ।