रास्वपा सांसद श्रेष्ठले गराए संकल्प प्रस्ताव दर्ता (भिडिओ)

काठमाडौं । राष्ट्रिय स्वतन्त्र पार्टीका सांसद विराजभक्त श्रेष्ठले संकल्प प्रस्ताव दर्ता गराएका छन् । प्रि–मनसुन र डेंगुलगायतको महामारी नियन्त्रणको पूर्वतयारीको माग गर्दै संसद सचिवालयमा संकल्प प्रस्ताव पेश गरेका हुन् ।

डेंगू रोगले महामारीको रुप लिनसक्ने प्रवल सम्भावना रहेको, विश्व स्वास्थ्य संगठनले नेपाललाई पनि जोखिमको सूचीमा राखेको उल्लेख गर्दै पूर्वतयारी गर्नुपर्ने उल्लेख गरेका छन् ।

डेंगू रोगको विषयमा व्यापक जनचेतना जगाउनको लागि प्रभावकारी कार्यक्रमहरु सञ्चालन गर्न समेत माग गरेका छन् ।
यस्तै, देशभर वर्षायाम सुरुहुनु अगावै जेठेको पहिलो हप्तामा नै सुरु भएको प्रि मनसुनले सबैलाई झस्काएको उल्लेख गर्दै सम्भावित महामारीपूर्व नै सावधानीको व्यवस्था गर्न माग गरे ।