एनआईसी एशिया बैंकका ग्राहकलाई कान्तिपुर डेन्टल हस्पिटलमा १५ प्रतिशतसम्म छुट

काठमाडौं । एनआईसी एशिया बैंकका ग्राहकलाई कान्तिपुर डेन्टल कलेज टिचिङ हस्पिटल एण्ड रिसर्च सेन्टरमा १५ प्रतिशतसम्म छुट प्राप्त हुने भएको छ ।

छुट सम्बन्धमा बैंकको तर्फबाट डिजिटल पेमेन्ट इकोसिष्टम प्रमुख बिमल लम्साल र हस्पिटलको तर्फबाट अध्यक्ष डा. बुद्धिमान श्रेष्ठले आइतबार हस्ताक्षर गरेका हुन् ।

समझदारीअनुसार बैंकको मोबाइल बैंकिङ, डेबिट कार्ड, क्रेडिट कार्ड वा प्लाटिनम कार्ड प्रयोग गर्ने ग्राहकले उक्त सुविधा उपभोग गर्न सक्नेछन् ।

सम्झौताअनुसार स्पेशल डेन्टल सर्भिसमा ७ प्रतिशत, अपरेशन तथा जनरल डेन्टल सर्भिसमा १० र ल्याब, बेड (जनरल वार्ड) तथा होल बडी चेकअपमा १५ प्रतिशत छुट हुनेछ ।

डिजिटल च्यानलबाट हुने कारोबारलाई वृद्धि गर्दै डिजिटल भुक्तानीलाई बढीभन्दा बढी सेवाग्राहीहरुसमक्ष पुर्‍याउने हेतुले बैंकले यस सहकार्यलाई अगाडि बढाएको र भविष्यमा समेत बैंकले यसैगरी डिजिटल भुक्तानीलाई बढावा दिन यस खालका सहकार्यलाई बढाउँदै लैजाने लक्ष्य लिएको बैंकले बताएको छ ।