नागरिकतासम्बन्धी ओलीको अध्यादेशसँग तुलना गर्दै प्रचण्डले भने- तपाईंहरूले सात वर्ष किन नराख्या ? (भिडिओ)

काठमाडौं । प्रधानमन्त्री पुष्पकमल दाहाल ‘प्रचण्ड’ ले नागरिकताको विषयलाई अनावश्यक रूपमा विवादमा ल्याउन खोजेको बताएका छन् ।

प्रतिनिधिसभाको बैठकमा बोल्दै अहिले प्रमाणीकरण गरेको नागरिकता विधेयक ओली सरकारले ल्याएको अध्यादेशजस्तै भएको बताए ।

उनले भने, ‘अब यो परिस्थितिमा नागरिकताको विषयलाई अनावश्यक ढंगले विवादित बनाउनु जनताले कसरी बुझ्ने ? तपाईं हामीले कसरी बुझ्ने ? हामी सबै एकैठाउँमा रहेछौं । जन्मसिद्ध नागरिकका छोराछोरीले नागरिकता पाउनुपर्छ भन्ने कुरा र आमाबाबुको कुरामा त एकै ठाउँमा छौं । अहिले किन दुई ठाउँमा हुन बल पुर्‍याएका छौं । पहिला त १५ वर्ष हुनुपर्छ भन्थ्यो । त्यसपछि ७ वर्षमा आयो । अहिले किन यस्तो भयो भन्नुभयो । तपाईंहरूले सात वर्ष किन नराख्या ? खै १५ वर्ष ?’

नेपालमा विवाह गरेर आएका महिलाको सन्दर्भमा केही व्यवस्था गर्नुपर्छ भन्ने पक्षमा अहिले पनि आफूहरू रहेको उनको प्रष्टोक्ति थियो ।