नेकपा एसनिकट पत्रकारको पहिलो अधिवेशन आजबाट

काठमाडौं । नेकपा एकीकृत समाजवादीनिकट पत्रकारहरूको संगठन समाजवादी प्रेस संगठनको पहिलो केन्द्रीय अधिवेशन शुक्रबारबाट सुरू हुँदैछ । अर्पण बैंक्वेट बानेश्वरमा तय गरिएको अधिवेशनको उद्घाटन नेकपा एसका अध्यक्ष माधवकुमार नेपालले गर्दैछन् ।

अधिवेशनबाट संगठनको नयाँ नेतृत्व चयन हुनेछ । अहिलेसम्म देशभरबाट ३६० प्रतिनिधि आइसकेको र अरु केही आउने क्रममा रहेको वरिष्ठ उपाध्यक्ष विश्वमणि सुवेदीले बताए ।

यसअघि सचिवालय बैठकले २०८० वैशाख मसान्तभित्र सदस्यता अद्यावधिक गरिसकेका सदस्यलाई मात्र प्रथम अधिवेशनमा प्रतिनिधिका भाग लिन पाउने निर्णय गरेको थियो ।

हाल यस संगठनको अध्यक्ष शम्भु श्रेष्ठ छन् ।