गेटामा शहिद दशरथचन्द स्वास्थ्य विज्ञान विश्वविद्यालय बनाउन माग गर्दै अनेरास्ववियुको प्रदर्शन (तस्बिरहरु)

काठमाडौं । नेकपा एमालेनिकट विद्यार्थी संगठन अनेरास्ववियुले कैलालीको गेटामा शहिद दशरथचन्द स्वास्थ्य विज्ञान विश्वविद्यालय कायम गर्न माग गर्दै काठमाडौंको माइतीघरमा विरोध प्रदर्शन गरेको छ ।

अनेरास्ववियुले आज माइतीघरमा संघीय सरकारसमक्ष विश्वविद्यालय कायम गर्न माग राख्दै प्रदर्शन गरेको हो ।

विरोधमा सुदूरपश्चिमका एमाले तथा अनेरास्ववियुका नेताको सहभागीता रहेको अनेरास्ववियुका केन्द्रीय उपाध्यक्ष गोविन्द गिरीले बताए ।

उनका अनुसार सरकारलाई ध्यानाकर्षण गराउन विरोध प्रदर्शन गरिएको हो । एमालले गेटामा शहिद शदरथ चन्द स्वास्थ्य विज्ञान विश्वविद्यालय सञ्चालनको माग गर्दै आएको छ । गेटामा विश्वविद्यालय सञ्चालन गर्न सरकारलाई दबाब दिन बजेट आएलगत्तै आन्दोलन भइरहेको छ ।

आजै यसको लागि बनेको संघर्ष समितिले माग पुरा गराउन भन्दै जेठ २८ गते सुदूरपश्चिम बन्दको घोषणासमेत गरिसकेको छ ।