यू-२० एसियन कप छनोटमा जित विहीन नेपाल

काठमाडौं । एएफसी यू–२० महिला एसियन कप छनोटको दोस्रो चरणमा नेपाल जित विहीन भएको छ ।

समूह बी मा रहेको नेपालले अन्तिम खेलमा चाइनिज ताइपेसँग ५–० गोलको हार बेहोर्‍यो । पहिलो खलमा घरेलु टिम म्यानमार र दोस्रोमा चीनसँग समान ५–० गोलको नतिजामा पराजित भएको नेपालले कुनै पनि खेलमा १ गोल पनि फर्काउन सकेन ।

समूह बी को अङ्कतालिकामा नेपाल जितविहीन रहँदै पुछारमा रह्यो । र तेस्रो चरण पुग्न असफल भयो ।

प्यालेस्टाइनलमा भएको पहिलो चरणको खेलमा समूह बी को विजेता बन्दै नेपाल एसियन कप छनोटको दोस्रो चरणमा पुगेको थियो ।