माधवलाई प्रधानमन्त्रीको आश्वासन- समय अभावले बजेटमाथि छलफल गर्न पाएनौं, अब गल्ती दोहोरिँदैन (भिडिओ)

काठमाडौं । प्रधानमन्त्री पुष्पकमल दाहाल प्रचण्डले बजेट निर्माणको क्रममा समय अभावको कारणले छलफल गर्न नपाएको बताएका छन् । माधव नेपालसँग बालुवाटारमा भएको भेटमा आगामी दिनमा यस्तो गल्ती नदोहोरिने प्रतिबद्धता जनाए ।

नेकपा एसका अध्यक्ष नेपालसहित नेताहरुले बजेट यही अवस्थामा पारित गरे सरकार ढाल्ने चेतावनीपछि प्रधानमन्त्रीले अध्यक्ष नेपाललाई बालुवाटार बोलाएका थिए ।

समाजवादी प्रेस संगठन नेपाल नवनिर्वाचित कार्यसमितिको कार्यक्रमलाई सम्बोधन गर्दै आज बिहान प्रधानमन्त्री र अर्थमन्त्री लगायतसँग भेटमा पनि आपत्ति जनाएको बताए ।

उनले भने, ‘त्यहाँ प्रधानमन्त्रीले समयको अभावले गर्दा हामीले व्यापक अन्र्तक्रिया गर्नुपर्ने थियो। जुन रुपमा नीति तथा कार्यक्रम र बजेटमाथि छलफल गर्नुपर्ने थियो । त्यसरी हुन सकेन आगामी दिनमा त्यस्तो हुँदैन भनेर उहाँहरुले आश्वस्त पार्ने कोसिस गर्नुभएको छ ।’