गोंगबुमा विवाहित युवायुवती झुन्डिएको अवस्थामा मृत फेला
नेपाल प्रेस
२०८० जेठ २९ गते १९:२७
काठमाडौं । काठमाडौंको गोंगबुमा विवाहित युवायुवती झुन्डिएको अवस्थामा मृत भेटिएका छन् ।
टोखा नगरपालिका- ९ स्थित होटल ग्रिन नेपालमा गोरखाका राजकुमार नेपाली र तनहुँकी २६ वर्षीया मुस्कान बयक झुन्डिएको अवस्थामा सोमबार भेटिएको प्रहरीले जनाएको छ।
काठमाडौं प्रहरीका अनुसार मुस्कान कोठाभित्र पंखामा र राजकुमार शौचालयभित्र झुन्डिएको अवस्थामा भेटिएका छन् । २६ वर्षीय राजकुमार श्रीमतीसहित काठमाडौंमा बस्दै आएका थिए ।
मुस्कान पनि विवाहित हुन् । तर, उनको परिवार सम्पर्कमा आइनसकेको प्रहरीले जनाएको छ । दुवै जना शनिबार साँझ उक्त होटलमा आएर बसेका थिए ।
आइतबार उक्त होटलबाट निस्किएका उनीहरु साँझ फेरि सोही होटलमा आएर बसेका थिए ।
‘आइतबार दिउँसो ह्याम्स अस्पतालमा स्वास्थ्य जाँच पनि गरेको भन्ने छ । अनुसन्धान भइरहेको छ’, काठमाडौं प्रहरी परिसरका एक अधिकारीले भने ।
नेपाल प्रेस
प्रकाशित: २०८० जेठ २९ गते १९:२७
प्रतिक्रिया
सम्बन्धित खवर
