गोपीकृष्ण हलमा भारतीय चलचित्र ‘आदिपुरुष’को प्रदर्शनमा अवरोध

काठमाडौं । केही युवाहरुले गोपीकृष्ण हलमा १२ बजे प्रदर्शन भैरहेको चलचित्र ‘आदिपुरुष’ प्रदर्शनमा अवराेध गरेका छन् । उनीहरुले  चलचित्र हेरिरहेका दर्शकलाई टिकटको पैसासमेत फिर्ता गराएका छन् ।

सीतालाई भारतीय चेली भनिएकाे आदिपुरुष चलचित्र देखाइएको विरोध गर्दै युवाहरुले हलमा चलचित्र प्रदर्शन गर्न रोक लगाएका हुन् । उक्त सिन सम्पादन गरेपछि अहिले चलचित्र पुनः प्रदर्शन गरिएको गाेपीकृष्ण हलले जनाएकाे छ ।

ती युवाहरुले नेपाल चलचित्र बोर्डकाे योजना तथा कार्यक्रम अधिकारी निर्मला चौलागाईंलाई भारतीय चलचित्र ‘आदिपुरुष’ बन्द गर्न माग गर्दै ज्ञापनपत्रसमेत बुझाएका छन् ।