गायक हेमन्त कान्छा र गायिका प्रेमाले ल्याए ‘मया’लाई

काठमाडौं । गायक तथा सारंगी बाधक हेमन्त कान्छा रसाइलीको पन्चेबाजाको नयाँ गीत ‘मया’लाईको भिडिओ रिलिज भएको छ । सार्वजनिक गीतको भिडिओमा हेमन्तलाई स्वरमा गायिका प्रेमा पुर्जाले साथ दिएकी छन् । जसमा शब्द राजकुमार बगरको रहेको छ भने संगित प्रेमा पुर्जाको रहेको छ ।

भिडिओमा एरेन्ज गायक स्वयमकै रहेको छ भने मिक्सिगं तथा मास्टरिगं श्याम श्वेत रसाइलीको रहेको छ । लगनको महिनालाई लक्षित गरेर गायक हेमन्तले बजारमा ल्याएको पञ्चेबाजाको सार्वजनिक भिडिओमा मोडलद्धय बिजय पुन र शरिष्मा मगरको रोमान्टिक नृत्य देख्न सकिन्छ ।

छमछम नचाउने शैलिको भिडिओमा शरिष्मा र विजय गज्जबसँग खुलेर नाचेका छन् । निरन श्रेष्ठको कोरियोग्राफी रहेको सार्वजनिक गीतको निर्देशन पनि गायक स्वयमले नै गरेका हु्न् । राम केसीको छायांकन रहेको भिडियोको सम्पादन विकाश ज्ञवालीले गरेका हुन् । भिडिओ प्रेमा पुर्जाको अफिसियल च्यानबाट बजारमा आएको हो ।

हेर्नुहोस् प्रेम र रोमान्सले भरिएको पञ्चेबाजाको यो रमाइलो छमछम नचाउने गीतको भिडिओ :