कीर्तिमानी साझेदारीसँगै जिम्बावेविरुद्ध आसिफको अर्धशतक

काठमाडौं । आईसीसी विश्वकप छनोट अन्तर्गत जारी खेलमा जिम्बावेविरुद्ध आसिफ शेखले अर्धशतक पूरा गरेका छन् । आसिफले कुशल भुर्तेलसँगै कीर्तिमानी साझेदारी गर्दै अर्धशत पूरा गरेका हुन् ।

एकदिवसीय अन्तर्राष्ट्रिय क्रिकेटमा नेपालका लागि सर्वाधिक १ सय ३९ रनको साझेदारी यसअघि भएको थियो । अहिले जारी खेलमा आसिफले कुशल भुर्तेलसँग १ सय ५५ रनको साझेदारी गरिसकेका छन् ।

यो उनको १०औं ओडीआई अर्धशतक हो । यो समाचार लेखिसक्दा नेपालले २९ ओभरको समाप्तिमा कुनै विकेट नगुमाइ १ सय ५६ रन बनाएको छ । ओपनर कुशल भुर्तेलले ९३ र आसिफले ५६ रन बनाएर खेलिरहेका छन् ।