गुलशनले दिलाए नेपाललाई दोस्रो सफलता

काठमाडौं । गुल्सन झाले जारी आईसीसी विश्वकप छनौटमा वेस्ट इन्डिजविरुद्ध दोस्रो सफलता दिलाएका छन् ।

जिम्बावेस्थित हरारे स्पोर्टस क्लबमा टस जितेर फिल्डङ थालेको नेपालका लागि आफ्नो पहिलो स्पेल बलिङमा आएका गुलसनले पहिलो बलमै विकेट लिँदै नेपाललाई दोस्रो सफलता दिलाए ।

उनले ओपनर केयल मायर्स आउट भएपछि क्रिजमा आएका जोनसन चाल्र्सलाई आसिफ शेखबाट क्याच आउट गरे । मायर्स ४ बल खेल्दा १ रनमा आउट भए । भने, चाल्र्स ६ बल खेल्दा शून्यमा पभेलियन फर्कएका थिए ।

नेपालका लागि पहिलो विकेट लिने क्रममा दोस्रो ओभर बलिङमा आएका करणले दुई बल डट फाल्दै तेस्रो बलमा विकेट लिए । उनले वेस्ट इन्डिजका ओपनर केइले मायर्सलाई कुशल भुर्तेलबाट उत्कृष्ट क्याच आउट गरे ।

पहिलो पटक विश्व विजेता वेस्ट इन्डिजसँग एकदिवसीय अन्तर्राष्ट्रिय खेल खेलिरहेको नेपालले आजको खेल जितेमा सुर सिक्स सम्भावना बलियो बनाउने छ । यो समाचार लेखिसक्दा वेस्ट इन्डिजले ५ ओभरको समाप्तिमा २ विकेट गुमाएर ११ रन मात्रै जोडेको छ ।