नेपालविरुद्ध पुरान र होपको शानदार साझेदारी, वेस्ट इन्डिज उच्च योगफलतर्फ अग्रसर

काठमाडौं। कप्तान साई होप र निकोलस पुरानबीच शानदार साझेदारी भएपछि वेस्ट इन्डिज जिम्बावेमा जारी विश्वकप छनोटअन्तर्गत नेपालविरुद्ध अहिले भइरहेको खेलमा उच्च योगफलतर्फ अग्रसर भएको छ।

वेस्ट इन्डिजले ३८ ओभरमा ३ विकेट गुमाएर २ सय २२ रन बनाएको छ। होप ९६ र पुरान ८९ रनमा खेल्दैछन्। उनीहरुबीच चौथो विकेटका लागि एक सय ६७ रनको साझेदारी भइसकेको छ।

९ रन जोड्दा दु्ई विकेट गुमाएको वेस्ट इन्डिजले तेस्रो विकेट ५३ रनको स्थितीमा गुमाएको थियो। त्यसपछि होप र पुरानले शानदार ब्याटिङ गरिरहेका छन्। नेपालका सन्दीप लामिछाने, करन केसी र गुल्सन झाले एक एक विकेट लिए।