‘स्टार्टअप एण्ड आइडिया फेस्ट २०२१’ आयोजना हुँदै, अनलाइनबाट आवेदन दिन सकिने

काठमाडौं। ‘लिभिङ विथ आइसिटी’ ले सातै प्रदेशमा ‘स्टार्टअप एण्ड आइडिया फेस्ट २०२१’ को आयोजना गर्ने भएको छ ।

वैशाख पहिलो सातादेखि शुरु हुने आइडिया फेस्टमा स्थानीय स्टार्टअप र इन्नोभेटिभ आइडिया भएका व्यक्तिहरूले प्रतिस्पर्धामा सहभागी हुने अवसर प्राप्त गर्नेछन् ।

वैशाख पहिलो साता प्रदेश नं। १ को विराटनगरबाट शुरू हुने कार्यक्रम जेष्ठ दोस्रो साता सुदूरपश्चिम प्रदेशको धनगढीमा गएर समापन हुने लिभिङ विथ आइसिटीले जनाएको छ ।

यसैगरी प्रदेश २ मा बिरगञ्ज, बागमती प्रदेशमा हेटौडा, गण्डकी प्रदेशमा पोखरा, लुम्बिनी प्रदेशमा बुटवल र कर्णाली प्रदेशमा सुर्खेतमा कार्यक्रम आयोजना हुने आयोजकले वताएको छ ।

फेस्टमा प्रविधि क्षेत्रमा काम गरिरहेका स्थानीय स्टार्टअप र विद्यार्थीका इन्नोभेटिभ प्रोजेक्टहरूले प्रतिस्पर्धामा सहभागिता जनाउन सक्ने आयोजकले जनाएको छ ।

हरेक प्रदेशबाट उत्कृष्ट एक स्टार्टअपलाई १० रुपैयाँ लाखसम्मको सहुलियतपूर्ण ऋण सुविधा प्रदान गरिनेछ भने उत्कृष्ट आइडियालाई तीन लाखसम्मको ‘सिड फण्डिङ’ गरिने आयोजक समितिका अध्यक्ष राजन लम्सालले जानकारी दिएका छन।