गगनलाई कांग्रेस नेताको प्रश्न–टिकट दिँदा भरौटे चाहिने तपाई र शेरबहादुरमा के फरक ? (भिडिओ)

काठमाडौं । नेपाली कांग्रेसका पूराना नेता ताराबहादुर कोइरालाले शेरबहादुर देउवाबाट भएन भनेर कांग्रेस रुपान्तरणको अभियान चलाउने गगन थापामा पनि देउवा प्रवृति नै रहेको भन्दै आक्रोश व्यक्त गरेका छन् ।

नेपाली कांग्रेस दोलखा–काठमाडौं सम्पर्क समितिको पहिलो सम्मेलनमा प्रमुख अतिथी रहेका महामन्त्री गगन थापालाई सुनाउँदै कांग्रेस नेता कोइरालाले जता हावा बग्यो त्यतै बग्ने व्यक्ति नेता बन्न नसक्ने बताए ।

कोइरालाले भने–तपाई र शेरबहादुर देउवामा के फरक भयो ? महाधिवेशनमा तपाईका नजिकका मान्छे केन्द्रीय सदस्य बनाउनुपर्ने । टिकटमा तपाईका भरौटे चाहिने,शेरबहादुरलाई पनि त्यस्तै चाहिने । तपाई फरक हुने हो भने गुण्डा र डनको संरक्षण गर्दिन भन्नुस् । भ्रष्टाचार गर्दिन भन्नुस् । विपरित धारमा बग्ने आँट गर्नुस् ।

कोइरालाले गगन थापाको रुपान्तरण अभियानप्रति पनि प्रश्न उठाउँदै चिल्लो अनुहार देखाउँदैमा कांग्रेस रुपान्तरण नहुने बताए ।