नाथममा कर्मचारीले सुरु गरे रिले अनसन (भिडिओ)

काठमाडौं । नेपाल पर्यटन तथा होटल व्यवस्थापन प्रतिष्ठान (नाथम)मा कर्मचारीहरुले रिले अनसन सुरु गरेका छन् ।

आन्तरिक पदपूर्तिमा अनियमितता गरेको, खारेज भइसकेका शाखाहरुमा कर्मचारी नियुक्तिको तयारी भइरहेको भन्दै कर्मचारीहरु आन्दोलनमा उत्रिएका हुन् ।

उनीहरुले ५ बुँदे माग राखेर मंगलबारदेखि आन्दोलन थालेका छन् । बद्नियतपूर्ण तरिकाले खोल्न लागिएका विज्ञापन तुरुन्त रोक्नुपर्ने, पदपूर्ति र बढुवा न्यायोचित हुनुपर्ने उनीहरुको माग छ । उनीहरुले रिले अनसन अवधिभर प्रशासनिक कामहरु नगर्न र अनसनमा हस्तक्षेप नगर्न पनि आग्रह गरेका छन् ।