सरकारलाई सभामुखको रुलिङ- लम्पी स्किनको रोकथामका विषयमा सदनलाई जानकारी गराउनू (भिडिओ)

काठमाडौं । प्रतिनिधिसभाका सभामुख देवराज घिमिरेले पशु चौपायामा महामारीको रुपमा फैलिएको लम्पी स्किनको रोकथामका विषयमा सरकारले गरेका कामबारे सदनलाई जानकारी गराउन निर्देशन दिएका छन् ।

लम्की स्किनले महामारीको रुप लिएपछि सांसदहरुले ध्यानाकर्षण गराएपछि सभामुखले सरकारलाई रोकथामको बिषयमा सदनलाई जानकारी गराउन रुलिङ गरेका हुन् ।

सभामुखले सदनलाई रुलिङ गर्दै भने, ‘लम्पी स्किन रोगको सन्दर्भमा विगतका बैठकहरूदेखि आजका बैठकमा पनि माननीय सदस्यहरूबाट कुरा उठिरहेको छ । यस सम्बन्धमा स्पष्ट पार्न र सरकारले यो रोगको रोकथामको लागि गरेका कार्यहरूको बारेमा सदनलाई जानकारी गराउन सम्बन्धित मन्त्रीलाई म निर्देषित गर्छु ।’

बैठकमा एमालेका प्रमुख सचेतक पदम गिरीले सो रोगबाट अहिलेसम्म ३७ अर्ब बराबरको क्षति भएको बताएका थिए । सरकारले गम्भीरता रुपमा नलिएको भन्दै पैसा नभए निर्वाचन क्षेत्र विकास कार्यक्रमबाट रकमान्तर गरेर भए पनि राहत, औषधी र खोपको व्यवस्था गर्न माग गरे ।