संसदीय दलको नेता बदलिराख्नुपर्छ भन्ने कुरा मैले सभापति देउवाबाटै सिकेको हुँ: गगन थापा (भिडिओ)
नेपाल प्रेस
२०८० असार ३१ गते १८:४९
काठमाडौं । नेपाली कांग्रेसका महामन्त्री गगन थापाले संसदीय दलको नेताका लागि मौका कुरिरहेको बताएका छन् ।
पार्टीको संसदीय दलको नेता बदलिराख्नुपर्छ भन्ने कुरा आफूले पार्टी सभापति शेरबहादुर देउवाबाटै सिकेको उनको भनाइ थियो ।
आइतबार संसद भवन नयाँ बानेश्वरमा सञ्चारकर्मीसँग कुरा गर्दै महामन्त्री थापाले संसदीय दलको नेतामा एक पटक प्रतिस्पर्धा गरेपछि अर्को पटक प्रतिस्पर्धा गर्न नपाउने व्यवस्था संसदीय दलको विधानमा नरहेको बताए ।
उनले संसदीय दलको नेताका लागि प्रयास गरिराख्नु अनौठो र अस्वाभाविक कुरा नभएको जिकिर गरे ।
संघीय सांसदसमेत रहेका उनले नेपाल ऐन सदनमा प्रस्तुत हुँदा आपत्ति हुन सक्ने भन्दै छलफलका क्रममा आफ्ना धारणा राख्नुपर्ने बताए ।
आइतबारको बैठकमा रास्वपाले मत विभाजन माग्ने तयारी भए पनि त्यसको समय आँकलन गर्न नसक्दा संसद अवरुद्ध हुन पुगेको उनको भनाइ छ ।
उनले संसद सिक्ने र सिकाउने थलो भएकाले पनि आगामी दिनमा थप परिपक्व हुँदै जाने विश्वास व्यक्त गरे ।
नेपाल प्रेस
प्रकाशित: २०८० असार ३१ गते १८:४९
प्रतिक्रिया
सम्बन्धित खवर
