आज सुनको भाउ यस वर्षकै उच्च

काठमाडौं । साताको पाँचौँ दिन सुनको मूल्य यस वर्षकै उच्च पुगेको छ ।

बिहीबार बजारमा छापावाल सुन तोलामा ५ सयले बढेर १ लाख १३ हजार ६ सय रुपैयाँ कायम भएको छ ।

यसअघि मात्रै चालू आर्थिक वर्षको जेठ महिनामा १ लाख १३ हजार ३ सय रुपैयाँमा कारोबार भएको थियो । उक्त दर हालसम्मकै उच्च दर कायम भएको थियो ।

त्यस्तै बुधवार मात्रै प्रतितोला १ लाख १२ हजार ५५० रुपैयाँमा कारोबार भएको तेजाबी सुन आज १ लाख १३ हजार ५० रुपैयाँमा कारोबार भइरहेको छ ।

त्यसै गरी आज चाँदी तोलामा ५ रुपैयाँले वृद्धि भई प्रतितोला १ हजार ४ सय ९५ रुपैयाँ कायम भएको छ ।