सेनाले नेपाल राष्ट्रको रक्षा गरेको छ, संख्या घटाउनु हुँदैन : वामदेव गौतम (भिडिओ)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/07/bamdev-gautam.jpg)
काठमाडौं । राष्ट्रियसभाका सदस्य वामदेव गौतमले नेपाली सेनाको संख्या घटाउन नहुने बताएका छन् ।
राष्ट्रियसभाको बिहीबारको बैठकमा गौतमले सेनाले अप्ठ्यारोमा नेपाल राष्ट्रको रक्षा गर्ने काम गरेको इतिहास रहेको भन्दै सेनाको संख्या घटाउन नहुने बताए ।
उनले सेनाको संख्या दुई लाख थप गर्दै औद्योगिक क्षेत्र र कृषि क्षेत्रको उत्पादन वृद्धिका लागि परिचालन गर्नुपर्नेमा जोड दिए । सेनाको संख्या घटाउँदै त्यसबाट बचेको पैसाले देश विकास गर्नुपर्छ भन्ने अभिव्यक्तिप्रति आपत्ती जनाउँदै गौतमले अहिले संघीय संसदमा सांसदको संख्या घटाउनुपर्ने धारणा राखे ।
संघीय संसद र स्थानीय तह रहेको अवस्थामा प्रदेश सभाको केही काम नरहेको उनले बताए । गौतमले अहिलको संसद संरचना रहदासम्म नेपालको विकास हुन नसक्ने जिकिर गरे । त्यस्तै उनाले काँग्रेसले लाइभ गरेर केन्द्रीय कमिटी बैठक सुरु गरेको भन्दै कम्युनिष्टहरुले पनि सिक्नुपर्ने बताए
उनले दलहरुले गोप्य रुपमा बैठक गर्नुपर्ने कुनै कारण नरहेको पनि बताएका छन् ।