बैठकमा कर्णबहादुरको ब्रिफिङ- सरकारमा भएपनि हामीले अनुभूति गर्न पाएका छैनौं, सबैतिर माओवादी छ

काठमाडौं । नेपाली कांग्रेसका केन्द्रीय कर्णबहादुर बुढाले कांग्रेस सरकारमा भएपनि आफूहरुले अनुभूति गर्न नपाएको गुनासो गरेको छन् ।

सानेपामा जारी केन्द्रीय समितिको बैठकमा बोल्दै महामन्त्रीले गाउँगाउँ जाने कार्यक्रम अघि सारेपनि के लिएर जनताको बीचमा जाने ? भन्दै प्रश्न गरे । उनले पार्टीमा अझै केही व्यक्तिहरुको सिन्डिकेटमा चलेको जिकिर गरे ।

उनको भनाइ जस्ताको तस्तैः

अहिलेको अवस्थामा महामन्त्रीज्यूको प्रतिवेदनमा हामी सबै केन्द्रीय सदस्यहरु जिल्लामा जाने भन्ने कुरा आएको छ । के लिएर जाने हामी  ? यही भाषण यही खोक्रो नारा लिएर जाने हामी  ? कसले मान्छ अहिलेको जमानामा  ? केन्द्र र प्रदेशमा सरकार कांग्रेसको छ । खै नेपाली कांग्रेसका कार्यकर्ताहरुले त्यसको प्रत्याभूति गर्न पाएको  ? सबै ठाउँमा माओवादी छ । माओवादीले हरेक ठाउँमा हाम्रो चितवनको मित्रले भन्नुभएकोजस्तो सबै ठाउँमा माओवादी छ ।

नेपाली कांग्रेस सरकारमा गएर हामीले अनुभूति के गर्न पायौं ? यदि कांग्रेसलाई अगाडि बढाउने हो भने मिसन ०८४ किन ? ०८४ मा तपाईंहरुमात्रै चुनाव लड्नु भनेको छ । हामी पछाडि हिँड्ने कार्यकर्ताको भविष्य छैन । के नाताले हाम्रो पछाडि हिँड्न कार्यकर्ताहरु ? कांग्रेसलाई सधैंभरी ज्यूँदो राख्ने हिसाबमा लागौं ।