ग्लोबल टी-२० : सन्दीप आबद्ध सर्रे जगुआर्सको पहिलो जित
नेपाल प्रेस
२०८० साउन १० गते ६:३९
काठमाडौं । ग्लोबल टी-२० क्यानडामा नेपाली स्पिनर सन्दीप लामिछाने आबद्ध सर्रे जगुआर्सले तेस्रो खेलमा जित निकालेको छ ।
गए राति भएको खेलमा सर्रेले टोरन्टो नेशनललाई २० रनले पराजित गरेको हो ।
यो उसको पहिलो जित हो ।
खेलमा लामिछानेले २ विकेट लिएका थिए । ४ ओभर बलिङ गरेका उनले जम्मा २२ रन दिए ।
पहिलो खेलमा सर्रे मोन्ट्रियल टाईगर्ससँग पराजित भएको थियो । सोमबार बिहान भएको दोस्रो खेल वर्षाका कारण रद्द भएको थियो ।
नेपाल प्रेस
प्रकाशित: २०८० साउन १० गते ६:३९
प्रतिक्रिया
सम्बन्धित खवर
