बूढानीलकण्ठका वरिष्ठ हवल्दार एक लाख घुससहित पक्राउ

काठमाडौं । प्रहरी प्रभाग बूढानीलकण्ठका प्रहरी वरिष्ठ हवल्दार विष्णु सिंह घुससहित पक्राउ परेका छन् । अख्तियार दुरुपयोग अनुसन्धान आयोगको टोलीले सिंहलाई बूढानीलकण्ठबाट नियन्त्रणमा लिएको हो ।

कुख्रे खोलाइको ढल सरसफाइ तथा निकास गर्दा निस्कने बालुवा व्यवस्थापन कार्यमा सहजीकरण गर्ने भन्दै उनले सेवाग्राहीबाट एक लाख घुस लिएको अख्तियार स्रोतले बताएको छ ।