श्रीमतीलाई गोली हानेर मारेको आरोपमा श्रीमान पक्राउ
नेपाल प्रेस
२०८० साउन १७ गते १५:५८
सांकेतिक तस्बिर ।
तनहुँ । श्रीमतीको गोली हानेर हत्या गरेको आरोपमा एक जना पक्राउ परेका छन् ।
४७ वर्षीया श्रीमति गीता आलेलाई भरूवा बन्दुक प्रहार गरी हत्या गरेको अभियोगमा ब्यास नगरपालिका-५ मानुङकोटस्थित पिखरीगैरा बस्ने ५६ वर्षीय श्री प्रसाद आलेलाई मंगलबार राति प्रहरीले पक्राउ गरेको हो ।
आलेले श्रीमतीलाई भरूवा बन्दुक प्रहार गर्दा गम्भीर घाइते भएकी थिइन् । गम्भीर घाइते गीताको जिल्ला अस्पताल दमौलीमा उपचारको क्रममा मृत्यु भएको थियाे ।
जिल्ला प्रहरी कार्यालय तनहुँबाट खटिएको प्रहरीले उनलाई बन्दुकसहित पक्राउ गरेको छ । प्रहरीले थप अनुसन्धान गरिरहेको प्रहरीले जानकारी दिएकाे छ ।
नेपाल प्रेस
प्रकाशित: २०८० साउन १७ गते १५:५८
प्रतिक्रिया
सम्बन्धित खवर
