सुन तस्करी प्रकरणको छानबिन माग गर्दै अनेरास्ववियु कास्कीले निकाल्यो टर्चलाइट जुलुस

पोखरा । नेकपा (एमाले)को भ्रातृ अनेरास्ववियु जिल्ला कमिटी कास्कीले सुन प्रकरणलाई टुंगोमा पुर्याउन माग गर्दै पोखरामा टर्चलाइट जुलुस निकालेको छ ।

अनेरास्ववियु जिल्ला कमिटी कास्कीले पृथ्वीनारायण क्याम्पसमा बिहिवार टर्चलाइट जुलुस निकालेको हो ।

सरकारले सुन तस्करी गर्नेलाई बाहिर खोज्दै हिँडेको भन्दै जनताको छारो हाल्ने काम गरेको अनेरास्ववियु कास्कीमा अध्यक्ष सन्तोष पोखरेलले बताए ।

‘सरकारले जनताको छारो हाल्ने काम गरेको छ । तर हामी चेतावनी दिन चाहन्छौ’, उनले भने, ‘बाहिर हैन, असली तस्करी सिंहदरबार भित्र छ । यदि गृहमन्त्री ज्युले अस्लि तस्करीलाई सिंहदरबार बाट समात्न सक्नु हुन्न भने राजिनामा दिएर आउनुस् ।’

अनेरास्ववियु कास्की सिंहदरबार भित्र छिरेर अपराधीलाई लत्याउँदै निकाल्न पछाडी नहट्ने अध्यक्ष पोखरेलले बताए ।