लमजुङको जुवाखालमा प्रहरी छापा- खेल्ने, खेलाउने र हेर्ने २२ जना हिरासतमा
नेपाल प्रेस
२०८० साउन १९ गते ८:३२
लमजुङ । लमजुङ प्रहरीले जुवा खेल्ने, खेलाउने र हेर्ने गरी २२ जनालाई पक्राउ गरेको छ ।
बेँसीसहरबाट खटिएको प्रहरी टोलीले मर्स्याङ्दी गाउँपालिका-९ तल्लो पामचोकस्थित एक घरबाट जुवाडेलाई पक्राउ गरेको हो । उनीहरूको साथबाट करिब साढे ४ लाख रुपैयाँ र कौडा बरामद भएको प्रहरीले बताएको छ ।
पक्राउ पर्नेमा छिमेकी जिल्ला गोरखा र केही लमजुङका छन् । पक्राउ परेकाहरूको नाम प्रहरीले खुलाएको छैन ।
विशेष सुराकको आधारमा जुवाडे पक्रिन ३ वटा भ्यानमा प्रहरी परिचालित थिए । जुवाडेले प्रयोग गर्ने गरेको सेतो गाडीलाई प्रहरीले केही दिनयता पछ्याइरहेको थियो ।
लमजुङका डीएसपी प्रकाश श्रीमलले पक्राउ परेकाहरूलाई जिल्ला प्रहरी कार्यालयमा राखिएको बताए ।
नेपाल प्रेस
प्रकाशित: २०८० साउन १९ गते ८:३२
प्रतिक्रिया
सम्बन्धित खवर
