सिटिजन लाइफ इन्स्योरेन्सको साधारण शेयर बाँडफाँड

काठमाडौं । सिटिजन लाइफ इन्स्योरेन्स कम्पनीले विदेशमा रहेका नेपालीहरुका लागि जारी गरिएको साधारण सेयरको बाँडफाँड भएको छ ।

सोमबार निष्काशन तथा बिक्री प्रबन्धक एनआइएमबि एस क्यापिटलले कम्पनीको ११ लाख २५ हजार कित्ता शेयरको बााडफाँड गरेको हो ।

कम्पनीको कुल पूँजी ३ अर्ब ७५ करोडको ३० प्रतिशत अर्थात १ अर्ब १२ करोड ५० लाख रकम बराबरको १ करोड १२ लाख ५० हजार कित्तामध्ये १० प्रतिशत अर्थात ११ लाख २५ हजार कित्ता शेयर प्रतिशेयर एक सय रुपैयाँ अङ्कित दरमा ११४ रुपैयाँ प्रिमियम थप गरी २४४ रुपैयाँको विदेशमा रहेका नेपालीहरुका लागि निष्काशन तथा बिक्री खुल्ला गरिएको साधारण सेयरको बाँडफाँड गरेको हो ।

कम्पनीले नेपाल सरकारको सम्बन्धित निकायबाट श्रम स्वीकृति प्राप्त गरी विदेशमा बसी रोजगार गरिरहेका नेपालीहरुका लागि गत असार ३१ गते देखि साउन १४ गतेसम्म निष्काशन तथा बिक्री खुल्ला गरिएको थियो ।

बैंकका अनुसार १९ लाख ३० हजार ९ सय कित्ता खरिदका लागि २७ हजार ६३२ जना बाट आवेदन प्राप्त भएको थियो । ४ जना आवेदकहरुबाट ३३० कित्ता रितपुर्वक नदेखिएकोले सो आवेदनहरुलाई अयोग्य ठह¥याई रद्द गरी २७ हजार ६२८ जना आवेदकहरुबाट १९ लाख ३० हजार ५७० कित्ताका लागि रितपूर्वक दरखास्त प्राप्त भएको थियो ।

त्यस्तै, धितोपत्र निष्काशन तथा बाँडफाँड निर्देशिका, २०७४ मा भएको व्यवस्था बमोजिम सर्वप्रथम रितपूर्वक आवेदन दिनुहुने सम्पुर्ण आवेदकहरुलाई न्युनतम १० देखि ४० कित्ता सम्म माग गर्ने ७ हजार ८८५ आवेदकहरुलाई माग बमोेजिमका १ लाख ५४ हजार ९९० कित्ता तथा ५० देखि २ हजार कित्ता सम्म माग गर्ने १९ हजार ७४३ आवेदकहरुलाई ४० कित्ताका दरले ७ लाख ८९ हजार ७२० कित्ता गरी कुल ९ लाख ४४ हजार ७१० कित्ता बाँडफाँड गरिएको क्यापिटलले जनाएको छ

बाँडफाँड पश्चात् बाँकी रहन गएको १ लाख ८० हजार २९० कित्ताको हकमा ५० देखि २ हजार कित्ता सम्म मागगर्ने १९ हजार ७४३ जना आवेदकलाई पुनः १० कित्ताका दरले बाँडफाँड गर्न अपुग हुनेभएकाले धितोपत्र निष्काशन तथा बाँडफाँड निर्देशिका, २०७४ मा भएको व्यवस्था बमोजिम ५० देखि २ हजार कित्तासम्म माग गर्ने सम्पूर्ण आवेदकहरुलाई एउटै समूहमा राखी गोलाप्रथा विधि द्धारा थप १० कित्ताका दरले १८ हजार २९ जना सफल आवेदक छनोट गरी १ लाख ८० हजार २९० कित्ता बाँडफाँड गरिएको क्यापिटलले बताएको छ ।