खाँदबारी जेलमा कैदीबीच कुटाकुट, दुईजनाको मृत्यु
नेपाल प्रेस
२०८० साउन २४ गते ११:४७
संखुवासभा । संखुवासभा सदरमुकाम खाँदबारी कारागारामा कैदीबन्दीबीच कुटाकुट हुँदा दुईजनाको मृत्यु भएको छ ।
संखुवासभा प्रहरी प्रमुख डीएसपी वीरेन्द्र गोदारका अनुसार आकाश बलामी र विनोद तोलांगीको मृत्यु भएको छ । आकाश चोरी र विनोद जबर्जस्ती करणी मुद्दामा सजाय भोगिरहेकाहरू हुन् ।
कारागारको शौचालयको झ्याल काटेर भाग्न खोज्दा नियन्त्रणमा लिएर भित्रै राखिएको थियो । त्यसलगत्तै भित्र कुटाकुट गरेपछि दुईजनाको मृत्यु भएको प्रहरीको भनाइ छ ।
घटनाको थप अनुसन्धान भइरहेको डीएसपी गोदारले बताए ।
नेपाल प्रेस
प्रकाशित: २०८० साउन २४ गते ११:४७
प्रतिक्रिया
सम्बन्धित खवर
