कांग्रेस संसदीय दलको बैठक बस्दै
नेपाल प्रेस
२०८० साउन २६ गते ६:२६
काठमाडौं । नेपाली कांग्रेस संसदीय दलको बैठक बस्दैछ ।
प्रमुख प्रतिपक्षी दल नेकपा एमालेले सुन प्रकरणमा उच्चस्तरीय छानबिन समिति गठन गर्न माग गर्दै सदन अवरोध गरिरहेका बेला कांग्रेसले दलको बैठक बोलाएको हो ।
बैठक दिउँसो १ बजे नयाँ बानेश्वरस्थित ल्होत्से हलमा बस्नेछ । बैठकमा पछिल्ला समसामयिक घटनाक्रम, संसदको अवरोध खुलाउने, विचाराधीन विधेयकलगायतमा छलफल हुने बताइएको छ ।
संसद खुलाउन प्रधानमन्त्री पुष्पकमल दाहाल ‘प्रचण्ड’, कांग्रेस सभापति शेरबहादुर देउवा र प्रमुख प्रतिपक्षी दल नेकपा एमालेका अध्यक्ष केपी शर्मा ओली पटक-पटक छलफल गर्दा पनि कुरा मिलेको छैन ।
नेपाल प्रेस
प्रकाशित: २०८० साउन २६ गते ६:२६
प्रतिक्रिया
सम्बन्धित खवर
