भेरी नदीमा खसेर एकजना बेपत्ता
नेपाल प्रेस
२०८० साउन २८ गते १५:१२
सांकेतिक तस्बिर
सुर्खेत । जाजरकोटमा भेरी नदीमा खसेर एकजना बेपत्ता भएका छन् । भारतबाट घर फर्किँदै गरेका भेरी नगरपालिका-७ पुन्माका अन्दाजी ४७ वर्षका नरु चन्द भेरी नदीमा खसेर बेपत्ता भएका हुन् ।
शिवालय गाउँपालिका छेडाचौर बजारबाट घर फर्कँदै गर्दा छेडागाड नगरपालिका-१३ गारातारामा रहेको सुर्खेत-छिन्चु-जाजरकोट सडक खण्डबाट खसेका थिए । उनको खोजी भइरहेको तर नदीको बहाव धेरै भएकाले खोजी कार्यमा कठिनाइ भएको जाजरकोट प्रहरीले जनाएको छ ।
नेपाल प्रेस
प्रकाशित: २०८० साउन २८ गते १५:१२
प्रतिक्रिया
सम्बन्धित खवर
