थ्री नेसन्स कपका लागि नेपाली टोली घोषणा, नवयुगसँगै सन्तोष, आशिष र विकाश परेनन्

काठमाडौं । थ्री नेसन्स कपका लागि नेपाली राष्ट्रिय टोलीका मुख्य प्रशिक्षक बालगोपाल महर्जनले २३ जनाको टोली घोषणा गरेका छन् ।

प्रतियोगिताको दोस्रो खेलमा भोलि किर्गिस्तान यु २३ को सामना गर्ने तयारीमा रहेको नेपालका लागि प्रशिक्षकले गोलकिपर किरण चेम्जोङको कप्तानीमा टोली घोषणा गरेको हो ।

नेपालको टोलीमा फरवार्ड नवयुग श्रेष्ठ परेका छैनन् । विकाश खवास, विशाल श्रेष्ठ, सन्तोष तामाङ र ए डिभिजन लिगका सर्वाधिक गोलकर्ता आशिष लामा पनि टोलीमा परेका छैनन् ।

नेपालको टोली:

गोलकिपर: किरण लिम्बु, बिकेश कुथु, दीप कार्की
डिफेन्डर: रन्जित धिमाल, निशान खड्का, रोहित चन्द, अनन्त तामाङ, दिनेश राजवंशी, अजित भण्डारी, विराज महर्जन, छिरिङ गुरुङ
मिडफिल्डर: त्रिदेव गुरुङ, सुजल श्रेष्ठ, तेज तामाङ, एरिक विष्ट, संजोग राई, बिशाल राई, सुनिल बल, रविशंकर पासवान

फरवार्ड: अन्जन विष्ट, दर्शन गुरुङ, अभिषेक रिजाल, भरत खवास