‘सुन कोशी बग्यो सलल’ मा सुनिल र बिनाको ठुम्का

काठमाडौं । गायक सबु थापा मगर र गायिका रिता केसीको स्वरमा ‘सुन कोशी बग्यो सलल’ गीतको म्युजिक भिडियो सार्वजनिक भएको छ ।

समीप इन्टरटेन्मेन्ट युट्युब च्यानलबाट सार्वजनिक भएको गीतमा स्व. पूर्ण गुरुङको शब्द तथा संगीत रहेको छ ।

दिलीप समनद्धरा निर्देशित म्युजिक भिडियोमा सुनिल न्यौपाने र बिना राउत फिचर्ड छन् । ‘सुन कोशी बग्यो सलल’ म्युजिक भिडियो सार्वजनिक कार्यक्रमका प्रमुख अतिथि वरिष्ठ गायक यम बरालले भिडियोको बारेमा बोल्दै टिमलाई नै शुभकामना दिए ।

त्यस्तै कार्यक्रमका विशेष अतिथिहरू नेपाल पुलिसका एआइजी टेक तामाङ, चर्चित गायक कमल खत्री, एसियन म्युजिकका एमडी ईश्वर गुरुङ, निर्देशक विभोर पोखरेल लगायत उपस्थित थिए । सबैले गीतको बारेमा बोल्दै सुनिल र बिनाको कामको तारिफ गरे । समीप इन्टरटेनमेन्टकी अध्यक्ष मिना बर्तौलाले पनि म्युजिक भिडियोमा जोडिएका सबैलाई बधाई दिइन।

कार्यक्रममा मोडल बिनाले भिडियोको बारेमा बोल्दै मेलाको फरक सेटमा पहिलो चोटि काम गरेको बताइन् । उनले सुटिङका रमाइला किस्साहरुपनि कार्यक्रममा सुनाइन।

त्यस्तै भिडियोका मोडल सुनिलले पनि राम्रो काम गरेको बताए । त्यस्तै कोरियोग्राफर रोशन विश्वकर्माले पनि बिनाको साथमा नन–डान्सर सुनिललाई डान्स गराउन गाह्रो हुँदाहुँदै सफल भएको बताए ।

निर्देशक दिलीपले सुनिल र बिनाको जोडीलाई फिल्मी शैलीमा प्रस्तुत गरेका छन् । गीतको भाव अनुसार एक मेलाको झझल्को दिन्छ यो म्युजिक भिडियोले । सुनिल र बिनाले मेलामा मज्जाले ठुम्का लगाएका छन् ।

यस भिडियोलाई दिलीपले निर्देशन गरेका हुन्, भने चिफ एसिस्टेन्ट निर्देशन सुनिल बुढाथोकीले गरेका छन् । रोशनले कोरियोग्राफी गरेको भिडियोमा हरि हुमागाईँको सिनेमाटोग्राफी र नहकुल खड्काको सम्पादन रहेको छ ।