डोल्पाका मेजर पण्डित झण्डै २४ घण्टादेखि सम्पर्कविहीन
नेपाल प्रेस
२०८० भदौ ११ गते १४:५४
सुर्खेत । डोल्पामा नेपाली सेनाका गुल्मपति बेपत्ता भएका छन् । आइतबार डोल्पा सदरमुकाम दुनैस्थित नन्द बक्स गुल्मका प्रमुख विमल पण्डित सम्पर्कविहीन भएका हुन् ।
मेजर पण्डित हिजो साँझ त्रिपुरातिर भएको र अहिलेसम्म ब्यारेकमा नफर्किएको डोल्पाका प्रमुख जिल्ला अधिकारी भूमिश्वर पोखरेलले नेपाल प्रेसलाई जानकारी दिए । गार्ड नलिई बाहिर निस्किएकाले उनको अवस्थाबारे जानकारी पाउन नसकिरहेको सीडीओ पोखरेलको भनाइ छ ।
बेपत्ता भएको भनिएको त्रिपुरालगायतको क्षेत्रमा खोजी भइरहेको उनले बताए । मोबाइलमा चार्ज पनि नभएको साथै नेटवर्कले राम्रोसँग काम नगर्ने भएकाले सम्पर्क नभएको हुनसक्ने उनले बताए ।
मेजर पण्डितको खोजीका लागि प्रहरी, सेना, सशस्त्र प्रहरी र राष्ट्रिय अनुसन्धानको टोली परिचालित छ ।
नेपाल प्रेस
प्रकाशित: २०८० भदौ ११ गते १४:५४
प्रतिक्रिया
सम्बन्धित खवर
